Fire Prevention Week hawng

Nimin khan St. Joseph Parish Hall, Kolasib-ah an district tana Fire Prevention Week hawnna inkhawm buatsaih a ni. Week hawngtu, conservator of forest Vanlalchuailoa chuan, Mizoram chu duat taka enkawl a nih loh chuan chhuan lo la kal zel turte tan chênna tlak loa chhuah theih a nih thu a sawi.

Vanlalchuailova chuan, ram kâng chu ramngaw bakah ramsa leh tuihnain a tawrh nasat thu sawiin, "Lo hâl hi kan Mizo nuna bet tel tlat a nih avangin lo theih lohin kum tin lo kan hâl a ngai si a, mahni lo vah bak tikâng lo tur­in mi tinin mawhphurna sang tak kan nei a ni," a ti.

Fire Prevention Week hawnnaah hian ACF C Lalrinmuana'n ramngaw hlutzia leh ram tihkan pawi­zia a sawifiah a; YMA Sub-Hqrs. Kolasib pre­sident C Liankunga leh MUP president Lianzuala te pawhin thu an sawi a ni.