Mizoram mi leh sa ngei chhawr turin DC-in hriattir

Kolasib DC Dr H Lalthlangliana chuan thupek chhuahin, Assam leh Mizoram inrìna Bairabi Zophaia leilet neitute chu leilet enkawltu atan Mizoram mi leh sa ngei chhawr tawh turin a hriattir.

Kolasib DC chuan, Zophaia leilet nei zawng zawngte chu a theih hrâm chuan Zo hnahthlak ngei chhawr turin a ngen a; "Hetiang hmu zo lo, state páwn mi chhawr turte chuan ILP an siamsak ngei tur a ni. Hnam dang chhawr­te'n intiamkamna ziakin, leilet an enkawl chhung chauh an chêng thei ang," a ti. 

Bairabi Joint Village Council chuan Kolasib DC thupek chu zâwm vek turin leilet neitute an phût a; thupek chu a ṭul anga ken­kawh an tum a ni.