Covid-19 dan hnuaiah mi 75,541-in Cheng nuai 150 chuang chawi tawh

Mizoram police leh hmun hrang hranga local/village task force-te chuan May 4, 2020 aṭanga nimin zing dar 9 thleng khan The Mizoram (Containment and Prevention of Covid-19) Ordinance/Act, 2020 bawhchhia mi 75,541 an man tawh a, chu'ng mite pawisa chawi tling khawm chu cheng nuai 150 chuang a ni.

February 20, Inrinni zing dar 9 leh nimin zing dar 9 inkar bikah Covid-19 dan bawhchhia mi 165 man an ni a; chu'ngte chu vantlang hmuna hmai tuam lo mi 86, physical distancing zâwm ṭha lo mi 62, vantlang hmuna chil chhâk mi paruk leh sorkar dan siam dang zâwm lo mi 11 an ni. Mi 165-te pawisa chawi tling khawm chu Rs. 33,300 a tling.

Inrinni zing leh nimin zing inkara dan bawhchhia man zingah Aizawl district-a man tam berin, mi 117 an ni a; Lunglei district-ah mi 11, Champhai district-ah mi 23, Serchhip district-ah mi pakua leh Lawngtlai district-ah mi panga man an ni.

Aizawl district-a man zinga 47 chu vantlang hmuna hmai tuamna vuah lo an ni a, physical distancing zâwm lo mi 53, vantlang hmuna chil chhâk mi paruk leh sorkar dan siam dang zâwm lo mi 11 an awm. Champhai, Serchhip leh Lawngtlai district-a mante chu vantlang hmuna hmai tuamna vuah lo vek an ni a; Lunglei district-a mite chu hmai tuamna vuah lo pahnih leh physical distancing zâwm lo mi pakua an ni thung.

Aizawl    42,807    Rs. 95,65,300

Lunglei    4,912    Rs. 10,85,300

Siaha    1,372    Rs. 1,91,600

Champhai    2,813    Rs. 4,37,000

Kolasib    2,404    Rs. 2,55,200

Serchhip    4,743    Rs. 6,19,200

Lawngtlai    6,091    Rs. 8,74,700

Mamit    2,071    Rs. 2,43,900

Saitual    1,216    Rs. 2,40,300

Khawzawl    3,673    Rs. 5,51,300

Hnahthial    2,199    Rs. 2,32,000

Traffic Aizawl    1,213    Rs. 8,35,600