Kanhmuna Covid screening point tihchangtlun dan tur sawiho a ni

Health minister Dr R Lalthangliana chuan February 20, Inrinni zing khan Kanhmuna Covid-19 Screening Point a tlawh a, thawktute nen screening point tihchangtlun dan tur an sawiho. Kanhmun hi Mamit district chhung, Tripura state depa awm a ni.

Dr R Lalthangliana chuan, Kanhmun screening point-ah chawhrualin ni tin mi 80-100 inkar enfiah ṭhin a nih thu sawiin, "Covid-19 laka Mizoram him nan Kanhmun hi a pawimawh avangin emergency-in a rem dan ang angin screening point buatsaih a ni. Hripuiin engtikah nge min kiansan dawn hriat a nih loh avangin changtlung zawka siam a ṭul," a ti a; thawktute'n mamawh an thlente chu a rang thei ang bera bawhzui a nih tur thu a sawi.

Health Minister hian Zawlnuam Primary Health Centre leh Kawrthah Community Health Centre-te pawh tlawhin, an dinhmunte leh an mamawhte a en a ni.