Group-D qualification pawl 8-ah tihniam
Mizoram Council of Ministers meeting, February 12, 2019-a neih chuan Mizoram sorkara group-D hna diltute qualification HSLC ni ṭhin chu pawl 8 (Class-VIII) pass chinah a tihniam.
Thu dawn danin, February 12-a Cabinet meeting chuan, mihring dam laite hminga sorkar hmunhmá leh sorkar suma hmalaknate mimal hming phuah loh turin thutlukna a siam.
New Secretariat Complex chu Mizoram New Capital Complex (MINECO) tia thlak an rel a; Minister-te public interview hun atan chawhma dar 10-12 inkar, office-ah an ruat a, zing kara an in lama interview neih loh turin an rel bawk.