MṬKP Inkhawmpui ṭan a ni

Mizoram Ṭhalai Kristian pawl (MṬKP) Inkhawmpui vawi 47-na chu nizan khan Tlabung khuaa Licheng Field-a pandal an sakah ṭan a ni a, Pathianni zanah a ṭiak ang. Inkhawmpui thupui chu 'Pathian hmangaihna' tih a ni.

Thu dawn danin, tun ṭum MṬKP Inkhawmpuiah hian kal tura inhriattir lâwk chu mi 6,000 vel an ni a, mi 8,000 vel an tel tura beisei a ni.

Inkhawmpuina tur pandal, December 1, 2018-a sak ṭan chu a dung ft. 260 leh a vâng ft. 170 a ni a, lamtual ft. 54X48-a zau a awm. Pandal hi mi 8,000 lenna tura ngaih a ni.