Park siamna hmun tur enfiah

Environment Forest and Climate Change (EFCC) minister TJ Lalnuntluanga chuan nimin khan Champhai Tlangsam khaw hmun hlui, Jubilee Tlanga Eco Cultural Park siam­na tur hmun a enfiah.

TJ Lalnuntluanga chuan, Jubilee Tlangah hian Eco Cultural Park changtlung tak siam tum a nih thu sawiin, "Mizoram sorkar flagship programme SEDP hnuaiah eco-tourism fund, Green Indian Mission (GIM) project bakah, LAD leh UDPA department-te nena thawkhoa hmalak tum a ni. Tihfel ngai leh hmanraw mamawhte chinfel thuaia hmalak vat tum a ni," a ti a; ràlkhat  aṭanga project siam mai lo a, a hmun kalchilha EFCC hotute nena enho a ni chuan hmalak zelna kawngah awlsamna a siam ngei a beisei thu a sawi.

EFCC Minister hian February 14, Ningani khan Green India Mission (GIM) sum kal­tlanga Tuichhintlanga Champhai District Park siamna tur hmun pawh a tlawh a, official-te nen hmalak dan tur an enho. TJ Lalnuntluanga hi PCCF Dr. CH.M Rao, conservator of forest Lalthlamuana Pachuau leh Champhai DFO C Lalbiakate'n an ṭawiawm a ni.