Faina kawnga hmalakna sawiho

Mamit District Swachhagrahi chu nimin khan district bawrhsap Vanlalngaihsaka hoin DC conference hall-ah an ṭhukhawm a, faina kawnga hmalak dan tur an sawiho.

Vanlalngaihsaka chuan, faina chu mahni in chhung aṭanga ṭan tur a nih thu sawiin, "Chu chuan faina kawnga khawtlang anga hma kan laknaah rah a chhuah dawn. Faina hi PHE department kutken chauh tur ni loin, mi tinte'n kan tih tur leh hma kan lakna tur a ni," a ti a; an district-in faina kawnga hma an lakna leh lawmman hial an lak tawhna chu nasa zawka chhunzawm turin kalkhawmte a chah.

Meeting-ah hian Mamit district chhunga Swachhagrahi Village Committee-te an tel a, Swachhagrahi appointment certificate hlan nghal an ni.