MLP Rules la peih lo

Mizoram Liqour Pro-hibition (MLP) Act chu hman ṭan a ni tawh a, chutih laiin, MLP Rules erawh siam zawh a la ni lo. 

Excise & Narcotics secretary KT Beicho chuan, MLP Rules ṭha tak neih an duh avangin an hmanhmawh lo niin a sawi.

Vanglaini palai zawhna chhangin END Secretary chuan, department lam chuan MLP Rules tur an duang tawh a, June thla laihâwl vel khan Law & Judicial department-ah pawmpui (vet) turin an thawn thu a sawi a, "Law & Judicial lamin an endik ang a, sawisel an neih chuan kan siamṭha leh ang. Chumi hnuah department lam pawhin mi dangte ráwnin kan en leh dawn a ni," a ti.

KT Beicho chuan, rules ṭha tak neih an duh thu sawiin, "MLP Act hmangin zu a khap theih a, harsatna a awm chuang lo. Chuvangin, rules neih hi kan hmanhmawh lo a, hmanhmawh taka siam ai chuan, ṭha tak siam kan duh zawk," a ti a; fimkhur leh uluk takin rules duan a nih thu a sawi.