Elton John Foundation Midsummer Party-ah Chris Martin

Elton John AIDS Foundation chuan July 24-a Midsummer Party a buatsaih turah Coldplay frontman, Chris Martin a inlan dawn tih an sawi. 

Foundation-in Mid­summer Party a buatsaih tur hi France chhim lama Johnny Pigozzi private Villar Dorane-ah neih a ni dawn a, he huna sum an hmuhte chu AIDS-free future atan hman a ni ang. 

Programme duan lawk zingah cocktail recep­tion, Provencal dinner leh live auction-te a tel a, Chris Martin hi a perform dawn bawk. 

Elton John AIDS Foundation dintu, Sir Elton John hian June thla tawp lam khan France President Emmanual Macron hnen aṭangin AIDS darh zel venna kawnga a thawh ṭhat vangin France ram­in chawimawina a pek ṭhin, 'Legion d'Honneur' a lo dawng tawh bawk. Chawimawina hlanna inkhawm hi Paris-a Elysee Palace-ah neih a ni.