CM hoin Science lama hmasawnna tur ngaihtuah

Mizoram Science, Technology & Innovation Council (MISTIC) Governing Body chu July 3, Nilaini tlai khan CMO conference hall-ah an ṭhukhawm a; kum 2019-20 Annual Plan chungchang leh hmalakna pawimawh dang an ngaihtuah.

Chief Minister chuan, nau-pangte'n science leh mathematics nuam an tih theihna tur zawnga zirna kalpui ṭha a tih thu a sawi a, "Ram hmasawnna innghahna pawimawh tak pakhat a nih avangin science leh technology lama hmasawn zel hi ngaih pawimawh a ṭul," a ti.

SEDP hnuaia bamboo development kalpui a tum dan sawiin Zoramthanga chuan, mau chu mihring mamawh oxygen pe chhuaktu ṭha a nih avangin environment humhalha sik leh sa siamṭhat kawngah pawh thui takin a ṭangkai tur thu a tarlang.

Meeting-ah hian kum 2018-19 audit chu pawm a ni a, Technology Demonstration Centre din leh Mizoram Bioresource Development Centre din chungchangte sawiho a ni bawk.