Education Minister chhanna lungchhiatthlak ti

ZPM ṭhalaite chuan, School Education Minister-in June 21, 2019-a Assembly session-ah, 'Mirethei deuh zawk pawhin sum harsa chung chunga an fate sorkar sikula dah lo a, private school-a an dah chhan ber hi hriat a ni lo' tia zawhna a chhang chu chhanna lung­chhiatthlak tak nia an hriat thu an tarlang.

School Education minister Lal­chhandama Ralte chu MZP president pawh ni tawh a nih thu sawiin ZPM ṭhalaite chuan, "Mizorama School Education siamṭhat a tum thu a sawi fo lai a, nu leh pa tam zawkin private school an thlan chhan ber a hriatpui lo chu pawi kan ti tak zet a ni," an ti.

ZPM ṭhalaite chuan, June 21-a Assembly session vêka School Education Minister-in starred question a chhannaah, Mizorama sikulah teacher-pupil ratio chu 1:14 a nih thu leh central norms chu 1:30 a nih thu a tarlan thu an sawi a, "Hei hian chiang taka a tarlan chu, zirna tlakhniam chhan chu zirtirtu indaih loh vang ni loin, kalphung fel loh vangah kan ngai," an ti a; zirtirtu 900 chuang pawh lak beh ni se, zirna chhiat chhan ber hriatchhuaha siamṭhat a nih si loh chuan sum sên thlawnna mai tur a nih thu an tarlang.