Bairabi-Sairang rêl kawng siamnaah cheng vbc. 3265.03 hman a ni tawh

Railways Board chairman Vinod Kumar Yadav chuan nimin khan Chief minister Zoramthanga chu a pisaah a kâwm a, Bairabi-Sairang rel kawng siam hna thawh mek an sawi dun a; Bairabi-Sairang rél kawng siamna atan kumin January thla thlengin cheng vbc. 3,265.03 hman a nih tawh thu a sawi.

North East Frontier Railway hnuaiah Bairabi-Sairang rel kawng hi siam mek a ni a, a project-ah hian kum 2008-09 khan cheng vbc. 5021.45 (revised estimate telin) pek a ni a, kumin January thla thleng khan cheng vbc. 3,265.03 hman a ni tawh. Rel kawng atana lei verh zawng zawng belhkhawm chu km. 12.639-a thui a ni dawn a, lei verh hna 88% zawh tawh niin, tunnel lining 75% zawh a ni tawh. Rél kawng hi December 2022-a hman theih tura siam zawh tum a ni.

Bairabi leh Sairang inkar rél kawng hi km. 51.38-a thui tur a ni a, lei verh (underground tunnel) 32 leh lei tan (cut and cover tunnel) km. 2.674-a thui 16 awmin, lei 184 (major bridge 55 leh minor bridge 87) awm tura ruahman a ni. Rél chawlhhmun pali - Hortoki, Kawnpui, Mualkhang leh Sairang­ahte dah a ni ang.