MNF sorkarin chhungkaw tinte Cheng nuai 3 min batsak - Hawla

Mizoram Pradesh Cong-ress Committee (MPCC) president Lal Thanhawla chuan nimin khan Congress Bhavan-ah thu a sawi a, "MNF sorkarin chhungkaw tinte cheng nuai thum min batsak a ni," a ti.

Lal Thanhawla chuan, MNF sorkarna chhan ber chu cheng nuai thum sem an intiam vang a nih thu sawiin, "MNF sorkarin chhungkaw tinte cheng nuai thum min batsak a, Zoram mipuite’n nghakhlel takin kan thlir a ni," a ti a; MNF chu an thutiama an din leh din lohin an sorkar rei leh rei loh a hril tur thu a sawi.

MNF hotupain Congress chu Delhi lama an lamṭang chêt ṭhat loh vanga Mizorama che ṭha lo zui turin a sawi ṭhin tih sawiin Lal Thanhawla chuan, "Keini chu Pathian lama ṭang kan ni a, Delhi lamah kan innghat lo. Politics huang hi duh duh leh nuam tih zawng sawi mai maina tur a ni lo," a ti a; Mizoramah Congress bak ding chhuak leh tur an awm loh thu a sawi.