KHAWTHLIR

Nimin khan DIET, Ai­zawlah National Initiative for School Heads and Teachers Holistic Advancement (NISHTHA) training thawh lina ṭan a ni a, DIET Aizawl principal Lalnuntluanga Hnamte-in a hawng. Training hi Febuary 3-7, 2020 chhunga neih tur a ni a, Aizawl district-a sorkar middle school headmaster leh zirtirtu mi 150 vel telin, thupui chi hrang hrang zirtir an ni ang. NISHTA hi Ministry of Human Resources Development chuan August, 2019 khan India ram puma hman turin a buatsaih a ni.

Kolasib District Magis­trate chuan thupek chhuahin, Kolasib district-a silai licence nei, Ministry of Home Affairs thuchhuak anga National Data Base of Arms Licence (NDAL) - Unique Identification Number (UIN) la ti lo zawng zawngte tan June 29, 2020 thleng Kolasib DC pisa (Arms Branch)-ah silai license leh passport size thlalak pahnih kengin inhriattir vek tur a nih thu a tarlang. Hun tiam chhunga inhriattir lote chu an license tih­tàwpsak nghal tur a nih thu a tarlang bawk.

Mizoram Govt. Doctor Association (MGDA) chuan Chief Minister's Relief Fund atan tun hnai khan Rs. 1,00,000 an hlân. MGDA hruaitute hian relief fund an pek pahin chief minister Zoramthanga chu Health department leh mipui tana ṭha tura an ngaih thil chi hrang hrang an sawipui nghal a ni.

Nimin khan Kolasib Chief Medical Officer pisaah 'National Deworming Day' hman dan tur ngaihtuahin Dis­-

trict Coordination Com­-

mittee on National De-

worming Day an ṭhu khawm a, CMO Dr Hmingthanmawii'n a kaihruai. Rúlhût hlote chu sikul, anganwadi centre leh ASHA-te hnena sem dan tur te, sikul kai lo naupangte hnena damdawi pek dan tur te, damdawi pek zat felfai taka chhiahchhiaha thehluh dan turte an rél. National Deworming Day-ah hian Kolasib district-a naupang 34,655-te rúlhût damdawi pek tum a ni.