Kawng siam ṭha tâwk lo hâi khawhtir

Bairabi leh Zamuang inkar kawngpui GP Project Ltd.-in an siam mekah, hmun ṭhenkhat chu a ṭhat tâwk loh avangin bialtu SDO Calvin Lalhmachhuana, PWD Kawrthah Division chuan a hâi khawhtir.

Calvin Lalhmachhuana chuan, GP Project kawng siam chu chawlhkar khatah vawi thumte an tlawh thu sawiin, "Kan tlawh loh kara an kawng siam hi a ṭha tawk loa kan hriat avangin kan enfiah a, blacktop khì leh kawng siam ṭha tâwk lote chu hna thawktute hâi khawhtir leh nghal an ni. Kawng siam hna ṭha taka thawk zawm turin kan hriattir bawk," a ti.

Bairabi leh Zamuang inkar kawng (km. 14.000-27.000) siam hna hi Mizoram PWD hnuaiah GP Project, Assam-in an thawk a; agreement amount chu Rs. 6,41,27,700 niin, February 19, 2021 a thawh ṭan a ni a, May 10, 2021-ah zawh tur a ni.