Mizoram tundin kan tum - ZPM Vice President

ZPM chuan nimin khan an pisa-ah chhung inkhawm an hmang a, thusawitu ZPM vice president Lalthansanga chuan an party chuan Mizoram tundin an tum thu a sawi.

Lalthansanga chuan Mizorama political party zawng zawngin ram an thlauhthla nia sawiin, "Chu chu keini ZPM hian tundin kan tum a, hei vang hian kil tin aṭangin min beih rawn ta a ni. Tuna kan ram dinhmun ngaihtuah hian a lungchhiatthlak hle. Ramriah nise kan ṭhenawm ramten hlauhna leh zahna chhete mah nei loin mi an palzut a, kan sakhua thlengin nasa takin min suasam ta a ni," a ti.

An hmathlir sawiin ZPM Vice President chuan, "Kan ram tluchhe mek tungding tur hian ṭhalaite tha kan ti chak thar dawn," a ti a, kohhranhote ṭawngṭaipuina leh mipuite thawhpuina zarah Mizoram tan ZPM-in ke a pen zel dawn thu a sawi.