PC-in candidate tur thlang tawh

Peoples' Conference (PC) party hruaitute nimina an pisaa an president Lalhmangaiha Sailo hoa ṭhukhawm chuan, Serchhip constituency-a Assembly by-election-a ding tur an tifel. An candidate tur hi an puang nghal lo a, inthlan puan hnua puan chhuah turin an dah.

Lalhmangaiha Sailo chuan, Zoram People's Movement/ZPM Ṭangrual Pawl ni ṭhin chu ṭhiat loin la awm zel se, tun ṭuma AMC inthlanah a sorkar ngei a rin thu a sawi a, ''Party leh pawl ṭhiat kher loa ZPM Ṭangrual Pawla thawhhonaah kha chuan rei lo te chhungin MLA bial pariatah kan chak thei a, party leh pawl ṭhiat kher loa thawhhona hlâwkzia leh mipuiin an hlutzia a chiang hle," a ti.