Mizoram State Day lawm dawn
Naktuk, February 20 hi Mizoram state a nih champha, State Day vawi 32-na a ni. Mizoram sorkar huaihawtin State Day hi lawm a ni dawn a, a lawmna pui ber Vanapa Hall-ah chuan Governor Kummanam Rajasekharan khuallian a ni ang.
State Day lawmna hun hi chawhma dar 11 a ṭan tur niin, chief secretary Lalnunmawia Chuaungo-in a kaihruai ang a; Mizoram sorkara joint secretary chin chung lam te, head of department-te leh MPS selection grade chin chung lamte chu kim taka kal tura hriattir an ni. Mipui pawh a duh apiang tel tura sawm an ni bawk.