Aizawl hmasawnna tur sawiho

Chief minister Zo­ramthanga chuan nimin khan a pisaah Aizawl Municipal Corporation (AMC)-a rorel lai (ruling) councillor-te a kâwm a, Aizawl tihhmasawn dan tur a sawipui.

Chief Minister chuan, Aizawl khawpui leh a chhunga chêng mipui tana thil ṭha zawk siam turin lungrual taka AMC leh state sorkar an thawh­ho a pawimawh thu a sawi a; Aizawl khaw­puia hmasawnna hna thawh mek leh thawh tur la awmte a sawipui a ni. 

Meeting-ah hian AMC councillor-te chuan AMC-in project hrang hrang kalpui mek te, Municipal Act (Amendment) chung­changte leh bawlhhlawh paih leh sawngbawl chung­changte an sawifiah.