Heroin kawltu kum 15 tâng turin hrem

Dan phal loha heroin gram 555 tawlhrûk tumtu Lalthansangi (40) d/o Lalthangliana, Zokhawthar chu nimin khan Champhai Special Court judge R Vanlalena chuan kum 15 chhung jail-a táng tur leh Rs. 50,000 chawi turin a hrem.

Court order-a a lan danin, February 9, 2017 khan Champhai Police-te chuan an thu dawn bawhzuiin, Zokhawthar kawnga Melbuk leh Mualkawi inkarah dan phal loha heroin tawlhrûk tumtu Lalthansangi leh a vahpa Lalhmunsiama te bike-a an tlan lai an lo tiding a, sabawn báwm 42, heroin awm vek chu an mansak a ni. 

Lalhmunsiama lakah hian finfiahna (evidence) a ṭhat tâwk theih loh avangin chhuah zalen a ni a, kum hnih chhung jail a táng hman. Lalthansangi erawh chu thiam loh chan­tir a ni thung a; mahse, a taksa lama harsatna a neih avangin Court chuan a hremna tinêpin, kum 15 táng turin a hrem a ni.