Assembly session leh hmasak berah Zu khapna dan siam a ni dawn - Beichhua

Excise & Narcotics department (END) minister Dr K Beichhua chuan, Mizoram Legislative Assembly session neih leh hmasak berah zu khapna tur dan pharha pass a nih dawn thu a sawi.

Nimina Mizo Hnam Runa inkhawmah Dr K Beichhua chuan, "Assembly session neih hmasak berah zu khap burna dan legislate a ni dawn," a ti a; MNF sorkar tûk tûk leh aṭangin 'dry day' an puang a, an puang chhunzawm zel tih sawiin, "Zu zuartuten min khing a, kan zu zawrh tihtawp lailâwk chu min stay ta a. He zu zawrh mek hi a zuartute kan ni lo, High Court lam order-a zawrh a ni," a ti.

Dr K Beichhua chuan, "Ruihhlo do kawng­ah Central YMA, kohhran, Home department leh khawtlang puihna Excise department-in kan dawng ṭha hle a, kan lawm tak zet a ni," a ti a; END-ah thawktu mi 300 vel chiah an awm a, an indaih loh avangin Excise force tihchak chu an hotute rilru a nih thu a sawi.

Social Welfare minister ni bawk Bei­chhua chuan, Mizo ṭhalaite ruihhloin a tihbuai nasatzia an hria tih sawiin, chu'ng mite enkawl dan training-in mi 29 hmunpui lamah an training awh tawh thu a sawi a, "Thingsulthliaha PISGAH Reformatory Centre hi de-addict centre atan hman a, he hmunah hian an natna leh ruihhlo zûn an ngaihnate tihziaawm a, Seṭhâwn lama enkawlzui tura dah thlak tur angin sorkar chuan ngaihtuahna a hmang mek a ni," a ti.

Sericulture minister Dr K Beichhua chuan, Sericulture department chu CSS hmanga kal ve chang chang a nih thu sawiin, "Heti ringawt chuan a zau hlei thei lo. Tun 

ṭumah chuan budget-a telh ngai loh telh theih kan ring. NITI Aayog Aspirational District thlan zingah Mamit district a tel ve a, cheng vbc. 11.56 sum awmin, mi 654 benificiary an awm dawn a, hawn a ni thuai dawn," a ti a; Sericulture department-ah bul an ṭan ve deuh chauh niin a sawi.

Dr K Beichhua chuan, Congress party president Lal Thanhawla'n, 'BJP-in MNF kut an phuar tlat a, CAB chungchangah an che ngam lo,' tia a sawi chungchangah, "Citizenship Amendment Bill chungchangah hian rilru hmunkhat púin NGO Coordination-in hma a la a, kan lungrual pát a ni. Chief minister Pu Zoramthanga'n Bill chungchangah hian a hun dikah, a hmun dik takah a thlenna turte dik takah a seh chat a, Bill do kawngah NE-ah a sûlsutu ber pakhat a ni," a ti.