Larsap-in Kolasib damdawi-in a tlawh

Governor PS Sreedharan Pillai chuan nimin khan Kolasib District Hospital a tlawh a, hospital poor fund atan Rs. 10,000 a hlân nghal. Larsap hi Kolasib District Hospital-a medical superintendent Dr Robert Lalfakzuala, chief medical officer Dr Hmingthanmawii leh thawktu dangte'n an lo hmuak a ni.

PS Sreedharan Pillai chuan damdawi-ina Male Ward a fang a, thawktute kâwmin, damdawi-in tihchangtlun dan tur a sawipui. Governor chuan, Kolasib District Hospital-ah damlo enkawlna khawl ṭha zawk a awm theih nan hmalakpui a tum thu thawktute a hrilh.

Kolasib District hospital-ah hian Male Ward-ah khum 20, Female Ward-ah khum 20, Obstetric & Gynae Ward-ah khum 12, Isolation Ward-ah khum paruk leh Staff Sick Room-ah khum pahnih a awm a; DMS orthopaedic specialist bakah, doctor specialist dang pasarih - Medicine, Gynaecologist, Pathology, Anaesthesiology, Surgery, Opthalmic leh Paediatric-ahte an awm a ni.

Governor hian Kolasib a thlenin district bawrhsap Sangchhin Chinzah, SP Vanlalfaka Ralte leh sorkar official dangte'n Circuit House-ah an lo dawngsawng a ni.