Minister-in bus 9 a vai liam

Higher & Technical Educa­tion (HTE) minister Dr R Lalthangliana chuan nimin zing khan New Capital Complex aṭangin college hrang hrangte hman tur bus pakua a vai liam.

Dr R Lalthangliana chuan, Mizorama college hrang hrangte mamawh pakhat chu zirlaite veivahna a nih thu sawiin, "Bus nei tura sûlsutu zawng zawngte hnenah lawmthu ka sawi a ni. Hemi atana pawisa hmuh a taka hman a ni chu thawktute thawhrimna leh ṭhahnemngaihna a ni a, zirlaite harsatna sutkian a nih ngei ka beisei. Mizorama college-te'n hmasawnna hrang hrang - building ṭha, library ṭha leh hmunhma ṭha zawkte an mamawh tih sorkarin a hria a, nasa taka ṭan lak a tum a ni," a ti.

HTE Minister-in a vai liam tâk bus pakuate hi Mizoram sorkar college pakua - Govt. Aizawl College, Hrangbana College, Zirtiri Residential Science College, Women's Polytechnic, Serchhip College, Kolasib College, Saiha College, Mizoram Training Hindi College leh Mizoram Polytechnic Lunglei ta tur a ni.