BSNL tihtâwp a ni dawn lo

Bharat Sanchar Nigam Limited (BSNL) chuan thuchhuah siamin, tun hnaia media ṭhenkhatah, BSNL chu khâr theih mai dinhmunah a ding anga tarlan chu thu dik lo a nih thu leh, BSNL chu tihtawp a nih dawn loh thu an tarlang.

BSNL Assistant General Manager (Marketing) chuan, India sorkarin BSNL chu sorkar laipui ta, hna ṭangkai tak thawktu a ni tih a hria nia sawiin, "Department of Telecommunication (DoT) chuan BSNL chu Telecom lama nghehna thûk tak leh hmanraw ṭha tak nei, kil tin thleng phâk a ni tih a hria a, hei vang hian DoT chuan BSNL chu tuaithar leh turin ruahmannaṭha tak a duang zo ṭêp tawh zawk a ni," a ti.

BSNL hotute chuan, media ṭhenkhata thu dik lo thehdarh chuan BSNL chu khâr mai tur angin an tarlang tih sawiin, "Hei hi sorkar laipuiin BSNL tuaithar leh a tumna thutiam nena inkalh tlat a ni. Hetianga thu dik lo an thehdarh chhan ber nia lang chu - BSNL customer-te network danga inlehtir tumna niin a lang," an ti a; BSNL DoT-in tihtawp a tum lo a, thuamṭhat  zel a tum zawk tih an tarlang.

BSNL hotute chuan, mipui tan network tihchangtlun zel a, customer-te tana plan ṭha zawk pek a tum mek tih an sawi a; BSNL customer-te chu thuthang dik lo lêng velah buai lo turin an chah a ni.