KHAWTHLIR

July 2, 2019 tlai dar 6 vela Durtlang Leitana Basic Service to Urban Poor (BSUP) Housing Complex hmuna chhiat-na thleng chhui chiang turin Mizoram sorkar ­chuan Aizawl DC Vanlalngaihsaka a ruat. Aizawl DC hi a thil chhui chhuahte chawlhkar hnih chhungin sor-kara thehlut tura tih a ni.

Nimin chawhnu dar 2 vel khan C Lalfakzuala (45) s/o LN Tluanga (ex-MLA), Govt. Complex, Aizawl chu Sihhmui bula Tlawng luiah a tla a, he thu ziah lai thleng hian hmuh a la ni lo. Govt. Complex Branch YMA hruaitute hnen aṭanga thu dawn danin, C Lalfakzuala hian Sihhmuiah huan a nei a, mi dang pahnihte nen mau-pûm hmanga Tlawng luia kân an tum laiin an pûm chu a darh avangin tuiah an tla a, C Lalfakzuala hian a hleuh kai ve thei ta lo nia hriat a ni.

Mizoram Youth Commission (MYC) chairman Dr Vanlalṭan-puia chuan nimin khan New Capital Complex-ah a pisa a luah ṭan a, MYC hmalakna tihzauh a nih tur thu a sawi.

Nimin chawhnu dar 2 vel khan C Lalfakzuala (45) s/o LN Tluanga (ex-MLA), Govt. Complex, Aizawl chu Sihhmui bula Tlawng luiah a tla a, he thu ziah lai thleng hian hmuh a la ni lo. Govt. Complex Branch YMA hruaitute hnen aṭanga thu dawn danin, C Lalfakzuala hian Sihhmuiah huan a nei a, mi dang pahnihte nen mau-pûm hmanga Tlawng luia kân an tum laiin an pûm chu a darh avangin tuiah an tla a, C Lalfakzuala hian a hleuh kai ve thei ta lo nia hriat a ni.

Johnson College chuan nimin khan Vanapa Hall-ah zirlai thar lawmna leh zirlai chhuak turte thlahna hun an hmang a, Higher & Technical Education minister Dr R Lalthangliana'n a hmanpui. Minister chuan, college tihchangtlun leh tihhmasawn kawngah sorkarin a tih theih ang ang a ngaihtuah zel dawn thu a sawi a, "Session tharah college ṭhenkhatah post graduate class neih theih beisei a ni," a ti.

Hnahthial khua leh a chhehvela Horticulture department hmalaknate chu nimin khan department official, Lunglei IPRO leh Hnahthiala MJA member-te'n an tlawh. Lungleia Horticulture officer Lalhmingmawia Pachuau chuan, kut hnathawktute din­hmun chawikâng turin an department-in theihtawp an chhuah thu a sawi.

Aizawl DC Vanlalngaihsaka hoin nimin khan DC conference hall-ah kumina Aizawla Independence Day hman dan tur leh inbuatsaih dan tur sawiho a ni a, department hrang hrangte mawhphurhna tur ruahman a ni. Meeting-a an rêl dan chuan, Independence Day hi zing dar 8-ah Lammualah hman a ni ang.