Umang Festival khâr a ni

North East Zone Cultural Centre (NEZCC), Dimapur leh Art & Culture department ṭangkawpin July 9, 2019-a an buatsaih ṭan, 10th. Umang Festival (Vohbikte Kût) chu nimin khan Synod Conference Centre-ah khâr a ni a, khârna inkhawm hi Art & Culture minister R Lalzirliana'n a hmanpui.

Art & Culture Minister chuan, vohbikte'n Umang Festival-ah an thiamthil hlu leh nalh tak tak an phochhuak thei chu lawmawm a tih thu a sawi a, "Tun hma chuan vohbikte chu nuihzat leh biak nawmnah an hlawh a, tunah chuan mithiam enkawlna hnuaiah leh kaihhruaina hnuaiah thil tam tak an zir thei tawh a, eizawnna pawh a ṭhente chuan an nei tawh a ni," a ti.

Kût khârna inkhawm hi Art & Culture director R Hmingthanzuala'n a kaihruai a, archivist & camp director F Lalthanmawia'n kût hman dan a sawi. Festival-ah hian Aizawla Gilead Special School, Serchhipa Shalom Special School leh Aizawla Ephatha Special School aṭangin mi 10 ṭheuh an tel.

Umang Festival hi India hmarchhak state hrang hranga neih tura ruahman a ni. Kuminah hian workshop buatsaih a ni a, workshop-ah hian soft toys (sangha lem, ice cream, zawhte, sava lem leh naute lem) pakhat ṭheuh siam a ni.