World Population Day hmang
Reproductive & Child Health (RCH) bultumin nimin khan Health department conference hall-ah 'World Population Day, 2019' hman a ni a, Health principal director Dr F Lallianhlira'n a hmanpui.
World Population Day, 2019 hi thla khat chhung hman tur a nih avangin hun hnihah ṭhen a ni a, ṭhenkhatna 'Mobilisation Fortnight' chuan June 27 aṭanga July 10 thleng khan a awh. Fortnight chhung hian ANM leh ASHA ten nupa tuak record-te enfelin, fa neih chungchang zirtirna an pe ṭhin.
A ṭhen hnihna chuan July 11 aṭanga July 24 inkara hman ṭhin a ni a, 'Population Stabilisation Fortnight' tih a ni a, OPD/Hospital leh hmun remchang-ah family planning method hrang hrang pholan a ni. Hei bakah hmeichhiaten family planning chungchangah duhthlanna an neih theih nan couselling te, thuziak, poster leh banner hmanga auhla (slogan) phochhuahte niin, khawtinah leaflet-te sem a ni dawn bawk.