Jal Shakti Abhiyan hawn a ni

Mipuiin tui an hnianghnâr theihna tura beihpui thlakna, Jal Shakti Abhiyan (Water Conservation Campaign) chu July 11, Ningani khan Siaha DC conference room-ah hawn a ni. 

JSA hi district leh state a concern official-te leh central sorkara officer leh  scientist-te  nena thawk hoa kalpui tur a ni. Beihpui thlakna tur leh thlak dan tur targeted intervention point 5 duanchhuah zulzuia kalpui a ni ang.

Siaha DC Bhupesh Chaudhary chuan heng point 5 zulzuia, JSA beihpui thlak tura Siaha district inpuahchah dan leh hmachhawpte a lem nen a sawifiah.

JSA hi India ram tui harsat zualna district 256 thlan chhuahah kalpui tur a ni a, Mizoramah chuan beihpui thlakna atan Siaha district thlan a ni.