Lalduhoma bàn a nih thu Speaker-in House a hrilh

Nimina Assembly session-ah speaker Lalrinliana Sailo chuan, Serchhip bial aṭanga MLA atana thlan tlin Lalduhoma chu dan a bawhchhiat avangin MLA aṭanga bàntir a nih thu House a hrilh.

Assembly Speaker chuan, Lalduhoma chu The Tenth Schedule of the Constitution of India Para 2(2) tlawhchhanin MLA aṭangin November 27, 2020-ah bàn a nih thu a sawi.

Tarlan tawh angin, Lalduhoma hi MNF MLA 12-te chuan hêkin, MLA aṭanga bàn turin Assembly Speaker an ngen a; Speaker chuan November 27, 2020 khan a thutlukna puangin, Lal­duhoma chu MLA aṭangin a bàn a ni.

MNF MLA-te chuan an hêkna lehkhaah, Lalduhoma chuan inde­pendent candidate nia MLA atana thlan tlin a ni chungin, a thil tihna hrang hrangah ZPM a zawm tih a lan thu an tarlang a ni.