YMA-in zu siamna hmun an tichhia

Serchhip Chanmari Branch YMA chuan February 22, Thawhṭanni khan hnatlangpui neiin, zu bilh lai leh thlawr sa tam tham tak an tichhia a, zu siamna bél eng emaw zat an man bawk.

Chanmari Branch YMA hruaitute sawi danin, an veng hnaiha luikawr hrang hrangte zawh chhuak tur insiamin, zu siamna hmun dap hna an thawk a; hnatlanga thawk chhuakte chuan zu bilh lai zém 18 an tihchhiat bakah, zu thlawr sa litre 90 manin, a hmunah an tichhe nghal a ni.

Zu siamna belpui pakua leh bel tê pariat an man a, zu siamtute'n tui lâkna atana an hman rubber pipe hlûm hnih leh zu siamna hmanraw dang eng emaw zat an man bawk.