Kan ram mila ram hruai turin kan inbuatsaih - PC President

PC party president Lalhma­ngaiha Sailo chuan nimin khan an party pisaa Mizoram mamawh zirhonaah thu sawiin, "Kan ram mamawh mil, kan ram mila ram kaihruai turin kan inbuatsaih," a ti.

Lalhmangaiha Sailo chuan, PC party-in sorkarna a chan huna an kal dan tur sawiin, "Kan sorkar neih ṭhinte'n kan ram mamawh leh kan ramin hmasawnna tura Pathian min pek sa thil hlute hmang ṭangkai zawnga hmá la lo a, an duh dan mila min kalpui ṭhin avangin hma kan sâwn chak lo a, kan ram an tichhe zel a ni," a ti a; mamawh mila ram kaihhruai a ṭul thu a sawi.

PC President chuan, sorkarin hmasawnna hna a thawhnaah mipui mamawh leh Pathianin Mizo ram leh hnam tana hmasawnna tura a dah sate ngaih pawimawh a nih loh ṭhin thu a sawi a, "Kan ram leh hnam tana MLA inthlan lo awm leh aṭanga sorkar turin kan inbuatsaih a, kan ram mamawh mil, kan ram mila ram kaihruai turin kan inbuatsaih a ni," a ti.