Sikul sak chhunzawm an remti lo

MZP sub-headquarters, West Lungdar hruaitute chuan nimin khan West Lungdar Middle School sak mek a hmunah an enfiah a; ruahman (estimate) anga sak a nih loh avangin sikul sak mek chu chhunzawm an remtih rih loh thu an puang.

West Lungdar MZP president Lalbiakzuala chuan, "West Lungdar M/S building sak mek hi a tira estimate-ah cheng nuai 80 a ni a, a hnuah nuai 60 tih leh niin, an sak hnuah nuai 20 tih a ni leh si hi a mak hle a ni," a ti a; hna ṭan hma leh ṭan hnuah a buai nuai mai a, thil fel lo tam tak a awm ngeia an hriat thu a sawi.

W Lungdar zirlaite'n khaw danga sikul ṭha ang an awh ṭhin thu sawiin Lalbiakzuala chuan, "Sikul ṭha nei ve ngei tawh tura an inngaih laia hetianga a sak dan tur leh cement proportion leh rod hman dik lo lutuka sak a ni leh balu hmanna turah stone dust hman a tam lutuk hi zirlaite hmuhsitnaah kan ngai," a ti.

West Lungdar MZP hruaitute chuan, West Lungdar MS chu a nih dan tur ang taka a bul aṭanga sa turin a satute an hriattir a; chutiang taka sak a nih theih nan a tàwp thlengin hma an lak dawn thu an 

sawi bawk.