Chief Minister pian champha

July 13, 2019 (Inrinni) kha Chief minister Zoramthanga pian champha a ni a, a kum 75-na a ni. A pian champha pualin Chief Minister hian Twitter-ah thu a ziak a; a hun lo paltlang tawhte a awlsam loh thu te, Pathian hruaina leh malsawmna vanga a lawm thu te, Mizoram tan puanven sâwi chhíng zel tura sàwmnate a ziak a ni.

Zoramthanga hi July 13, 1944-ah Samthang, Champhai district-ah a piang a, Darphunga leh Vanhnuaichhîngi te fa pariat zinga a naupang ber dawttu a ni. Kum 1950-ah sikul kai ṭanin, kum 1956-ah Khawbungah middle school a zo a, kum 1960-ah Champhaia Gandhi Memorial H/S-ah high school a zo. DM College, Manipur aṭangin B.A a zo leh a ni.