Serchhip dist-in PMMVY award a dawng

Serchhip district chuan Pradhan Mantri Matru Vandana Yojana (PMMVY) kalpuinaah India ram puma thawk ṭha ber lawmman nimin khan a dawng.

PMMVY award hlanna inkhawm hi New Delhi-ah neih a ni a; Serchhip district chu India rama January 1, 2017 aṭanga PMMVY kalpui a nih aṭanga thawk 

ṭha berah thlan a ni a; district aiawhin bawrhsap Dr Lalzirmawia Chhangte-in award nimin khan sorkar laipuia Women & Child Development minister Zubin Irani hnen aṭangin a dawng a ni.

Award hlannaah hian Women & Child Development director Vanlal­pianpuii leh PMMVY hnuaia Ser­chhip district prog­ramme coordinator F Hming­thankimi te pawh an tel.

PMMVY hi fa tìr pai/pawm nute ṭanpuina tura sorkar laipuiin a duan a ni a, fa tìr pai nute chu ṭanpuina Rs. 5,000 thleng pek theih a ni. Tun dinhmunah Serchhip district bikah fa tìr pai/pawm nu 1,812 hnenah Rs. 77,66,000 sem a ni tawh.