Ráltlân an awm chuan sorkarin enkawl a tum

Nimina Assembly session-ah chief minister Zoramthanga chuan, Myanmar mipuite'n demo­cracy phûta lungawi lohna an lantir avanga Mizorama rawn tlânchhia an awm chuan Mizoram sorkarin enkawl a tum thu House a hrilh.

Chief Minister chuan, loh theih lohna avanga Myanmar aṭanga Mizorama rawn tlanchhia an awm chuan sorkarin theihtawpa duat taka enkawl a tum thu sawiin, "Kan tih theih piah lamah pawh India sorkar hnenah theihtawpa ngen a, nawra an ṭanpuina lâk kan tum. Kan unaute leh democracy duh avanga rawn tlanchhiate lo duat taka lo enkawl turin kan inbuatsaih," a ti.