Kuhva rah, thing hmarcha leh heroin man

Assam Rifles leh an thawhpuite chuan February 23, Thawhlehni khan Champhai district-ah Myanmar aṭanga lâk luh kuhva rah leh thing hmarcha (black pepper) tam tham tak an man a, Rs. 1,17,20,000 vel mana chhût a ni.

Thawhlehni vêk khan Excise & Narcotics department nen ṭang rualin Aizawlah heroin gram 128 an 

man bawk.

Serchhipa hmunpui nei Assam Rifles-te leh Customs department mite chuan Thawhlehni khan Khuangleng leh Kelkang inkar kawngah kuhva rah ip 100 an man a, Rs. 16,80,000 vel mana chhût a ni. Mélbûk leh Champhai inkar kawngah kuhva rah ip 300 leh thing hmarcha ip 200 an man bawk a, Rs. 1,00,40,000 vel man a ni.

Aizawla Assam Rifles leh Excise & Narcotics department-te chuan February 23 khan Bawng­kawnah heroin gram 128 an man a, tualchhunga hralhna ang chuan Rs. 57,60,000 vel man a ni. Heroin kaihhnawihah hian mi pahnih an man bawk.