Kum 2015-20 chhungin ULB-in cheng nuai 12,872 hmu
UDPA changtu deputy chief minister Tawnluia chuan ZPM member Lalchhuanthanga zawhna ziaka chhangin, kum 2015-2020 chhungin urban local bodies (ULB) tan Mizoramin cheng nuai 12,872 a hmuh thu a tarlang.
Tawnluia chuan, ULB sum, hun tiam chhunga AMC hnena pek a nih loh avanga penalty chàwi a awm thu sawiin, "Sorkar laipui aṭanga sanction order copy kan hmuh tlai ṭhin avang leh lehkha kal vel chhung a rei avang te, Finance Commission Grants milin budget dah lâwk a ni ṭhin a, hei hi sorkar laipui sanction lo chhuahin inmil loh cháng a awm a, budget siamṭhat a ṭul cháng a awm ṭhin avangin, local bodies grant pung chho zelah state sorkar sum dinhmun mil zela chêt a ṭul a, Treasury aṭangin ṭum khata sum tam tak pek chhuah a rem loh cháng a awm avangtein hun tiama pek chhuah theih a ni lo ṭhin," a ti.
Penalty chawi dan
(Rupees in lakh)
Kum A zat
2015-16 26.67
2016-17 4.91
2016-17 19.96
2016-17 11.81
2017-18 6.97
2017.18 12.90
2019-20 1.16
2019-20 0.25