MNF MLA leh councillor-te inhmukhawm

Mizoram sorkar leh Aizawl Municipal Corporation (AMC)-a thuneihna chang mektu MNF party hotute chuan nimin khan an pisa, Mizo Hnam Rûnah MNF MLA-te leh AMC councillor-te an ko khawm. An hmalak zel dan tur leh state sorkar leh AMC sorkar inthlun zawm ṭhat lehzual dan turte an sawiho.

Meeting-ah hian MNF MLA-te leh councillor-te bakah, MNF elected office bearer te, National Core Committee leh PAC member-te leh general secretary-te an tel a; vice president R Tlanghmingthanga'n a kaihruai a, chief minister leh president Zoramthanga pawh a tel.

Joint meeting-ah hian MNF sorkara minister-te hmalakna hrang hrang leh an hmachhawp te, sorkar hmalakna leh kal zel dan tur te, party leh sorkar inthlun zawmna ṭha leh thawhhona ṭha a awm theih dan tur te, state sorkar leh AMC sorkar inthlun zawmna ṭha zawk a awm theih dan turte sawiho a ni.

Vawiina Mizoram sorkarin Vanapa Hall-a State Day a lawmnaah tel vek turin an insáwm nghal bawk.