BBBP inhrilhriatna hun buatsaih

Beti Bachao Beti Padhao (BBBP) hnuaia Project Management Unit, Serchhip chuan nimin khan Serchhip SP conference hall-ah police-te tan orientation programme an buatsaih a, Serchhip SP R Sathiyasundaram-in a hmanpui.

Serchhip SP chuan, kum 30 kal ta ngaihtuah chuan tun dinhmuna hmei­chhiate dinhmun chu a ṭha tawh hle tih sawiin, "Ram chhung hmun ṭhenkhatah chuan hmeichhiate dah hniamna a la awm a, hmun tam zawkah erawh chuan an rálmuang tawh hle. Hmeichhe naupangte din­hmun him leh rálmuanga an awm theih nan police-te'n mawhphurhna pawi­mawh tak kan nei a, theihtawp kan chhuah zel a ṭul," a ti.

Serchhipa first class magistrate JH Lal­parmawii chuan, naupangte himna atana police-te hriat tur leh an hmalak dan tur a sawifiah a, "Naupang humsual daite leh tawhsual tâwkte nihna leh dinhmun mipui vantlang hriata puan chhuah theih a ni lo," a ti a; thil sual titute leh a tuartute inkarah inngaidam mai tura thurâwn pe lo turin police-te a chah.