Chief Minister-in enfiah

Chief minister Zoramthanga chuan nimin khan Lengte khuaa Jal Shakti Abhiyan hnuaia ruahtui khâwlna, Demountable Reservoir Tank siam chu a hmunah a enfiah. CM chuan, tui mamawhna a san zel thu sawiin, "Fûr hun rei lote chhunga malsawm ruahtui kan dawnte a theih ang anga kan khawl hi kan tihmâkmawh a ni," a ti.

Jal Shakti Abhiyan hi ruahtui khâwl a, renchem leh daihzai taka hun lo kal zel tur ngaihtuah chunga tui hman kawnga hmalakna a ni a; kumin kum tir khan Union Jal Shakti minister Gajendra Singh Shekhawat chuan a tlangzarh. JSA hian India ramah district 256 leh RD block 1,592 a huam a, sorkar laipuia ministry hrang hrang leh state sorkarte thawhhona a ni a, Department of Drinking Water and Sanitation-in a khaikhawm a ni.