Bairabi Zophaia Zofate Chawlhbuk sak Mizoram sorkarin a rem rih loah a ngai

Home minister Lalchamliana chuan nimin khan MZP General Secretary hnenah lehkha thawnin, Mizoram chief minister hmasa ber Ch Chhunga (L) leilet hmun, Bairabi Zophaia Zofate Chawlhbuk sak chu state sorkar ang chuan rem rih loa an ngaih thu a tarlang.

MZP hnena lehkha thawnah hian Home Minister chuan, Vairengte dái, Mizoram leh Assam inrinna sipai cinema hall hlui hmun Assam Forest-in an cheia an luah chu Mizoram sorkar chuan a ngaimawh hle tih a tarlang a, "Status quo maintain tura state pahnih leh Ministry of Home Affairs inkara thu dah tawh a nih avangin hemi chungchangah hian Assam lamin an mi leh sa an lak lêt vat theih nan state pahnih sorkar hotute an inbe reng tih ka rawn hriattir nghal che a ni," a ti.

Home Minister chuan, ram tana MZP-in ṭhahnem an ngaihna leh an thawhrimnaah lawmthu a sawi a, "In lehkhaa in tarlan ang leh Chief Minister zahawm tak hoa Cabinet Meeting July 8, 2019-a ṭhukhawm thurel angin, July 17, 2019 khan Chief Secretary charge la mektu Pu Lalhmingthanga, IAS hoin Core Committee meeting ṭhutkhawm a lo ni tawh," a ti a; Chief Secretary training-a kal mek rawn haw veleh hun remchang hmasa berah ṭhukhawm leh tura rêl a nih thu a tarlang.