ZPM hruaitu insiam thuai an rêl

Zoram Peoples' Movement (ZPM) Caucus member-te leh ZPM MLA-te chuan nimin khan joint meeting an nei a; ZPM-in Election Commission of India (ECI)-ah registration an neih tâk avangin, hun hmasa berah headquarters hruaitu insiam ṭhat thuai ni se, an ti.

Nimina meeting-ah hian, July 23, 2019-ah ZPM Hqrs. Steering Committee ṭhutkhawm ko turin thutlukna an siam a, hun remchang hmasa berah special convention koh an rel.  ZPM-a tel pawl parukte zingah pawl pangain pawl ṭhiata ZPM din an remtih thu tarlan a ni a, MPC pawh lungrual taka ZPM-a inchhûng lut turin ziak leh hmaichhan ngeia sâwm leh ni se, an ti.

Meeting hi ZPM chairman Lalliansawta'n a kaihruai a, ZPM MLA zingah zin mek C Lalsawivunga tih loh chu an tel kim a ni.