MP Vena'n Thinghlun a tlawh

Rajya Sabha MP K Vanlalvena chuan nimin khan Thinghlun dáia Mizo IR leh BSF duty-te leh Assam lamin John Zolawma thlám an hâlsakna hmun, Mizoram IR police-te'n an luah tâkte a tlawh a, harsatna an neihte a zawt.

K Vanlalvena chuan, Assam lamin an rama an chhàl china Mizoram sorkarin police post a siam leh an ṭhutchilh nghal chu lawmawm a tih thu a sawi. Rajya Sabha MP hi Kawrthah SDPO Lalthanfala Sailo leh police dangte'n an lo dawngsawng a ni.

Rajya Sabha MP hi Assam rama Zohnathlak hrang hrang intelkhawm Thangram Indigenous Movement-in cultural meet Mualmawi, Assam-a an buatsaih hmanpui turin a kal nghal a, Assam police-te'n an ram chinah hun engemawchen an dan hnuah kal an phalsak leh a ni.