COVID-19: Mizoram dinhmun Chhuahtir tawh zat 99.30% an ni

February 24, Nilaini khan Mizoramah swab sample 791 endik ni mah se Covid-19 vei hmuh chhuah a ni lo a, February thla chhunga hripui vei hmuh thar awm loh ni ngana a ni. Nimin khan hripui laka fihlim tawh mi pahnih chhuahtir an ni a, Covid-19 vei hmuh tawh aṭanga chhuak tawh zat chu 99.30% a tling.

Nilaini khan ZMC laboratory-ah swab sample 24 endik a ni a, TrueNAT-PCR hmangin district pahnihah sample 29 leh RAT hmangin district 10-ah sample 738 endik a ni bawk. Nimina chhuahtirte chu Champhai leh Lawngtlai district-a mite an ni.

February 24, 2021 thlenga Mizorama swab sample endik tawh zat chu 2,29,425 a ni a, chu'ng aṭanga Covid-19 positive mi 4,413 chu 1.93% a ni. Hripui vei hmuh tawh zinga mi 2,101 chu Mizoram chhunga kái chhâwng an ni a, mi 2,312 chu Mizoram páwn aṭanga an rawn luh hnua hmuh chhuah an ni thung.

Mizoramah Covid-19 vei mi 4,413 hmuh chhuah a ni tawh a, mipa 3,224 leh hmeichhia 1,187 an ni. Nimin tlai dar 5 thleng khan mi 4,382 (99.30%) chhuahtir an ni tawh a, mi 10 (0.23%) thi tawhin, enkawl mek mi 21 (0.47%) an awm.

District 11 zinga district paruk - Siaha, Kolasib, Serchhip, Mamit, Khawzawl leh Hnahthial district-ahte Covid-19 vei an awm tawh rih lo.