ZPM ṭhalaite leh councillor-te'n Aizawl centenary lungphun an tifai

ZPM ṭhalaite leh ZPM aṭanga AMC councillor atana thlan tlinte chuan Aizawl din champha vawi 131-na, Aizawl Day lawm nan nimin zing khan Aizawl Centenary Lungphun tifaiin an hnatláng.

ZPM Ṭhalai president Malsawmzuala Ralte chuan, Aizawl khawpui mipuite Aizawl Day chibai bûkin, ZPM aṭanga AMC councillor-te chuan Aizawl ṭha zawk, nuam zawk leh changkâng zawk siam turin theihtawp an chhuah dawn thu a sawi.

Aizawl khawpuia cheng zawng zawngte leh Mizo mipui zawng zawngte Aizawl Day chibai an buk tih tarlangin ZPM Ṭhalai chuan, "Aizawl khawpui din a nih theihna tura sûlsutu kal hmasate kan hre reng a, zahna chibai kan bûk a ni," an ti.