Lunglei district CD ratio 56.22%

Lunglei additional DC R Vanrengpuia kaih­hruaiin nimin khan December 2020 quarter tàwpa Lunglei district-a bank 20-te hmalakna hrang hrang thlirlet a ni a; Lunglei district-a bank-te credit deposit (CD) ration chu 56.22% a ni tih an tarlang.

Ṭhutkhawma tarlan danin, Lunglei district-a bank-te CD ratio (bank-in deposit a hmuh aṭanga loan a pek chhuah zat) chu April-June 2020 quarter-ah 44.61% a ni a, July-September 2020-ah 50.88% niin, October-December 2020-ah 56.55% a ni. National benchmark 60% an pha lo.

PMEGP-ah December 2020 thleng khan Lunglei district-ah loan cheng nuai 69.85 pek chhuah a ni a; sorkar laipui hnuaia social security scheme - Pradhan Mantri Jan Dhan Yojana (PMJDY) hnuaiah Lunglei district-ah beneficiary mi 52,739 an awm mek a, Pradhan Mantri Jeevan Jyoti Bima Yojana (PMJJBY) leh Pradhan Mantri Suraksha Bima Yojana (PMSBY)-ah pawh ziah luh belh zel a ni.