March 1-ah zirna-in sangte hawn ṭan a ni tawh dawn
Higher & Technical Education (HTE) minister Dr R Lalthangliana hoa nimina sorkar hotute Assembly Annexe Committee Room-a ṭhukhawm chuan, college leh zirna-in sang zawkte hawn dan tura inkaihhruaina, Standard Operating Procedure (SOP) ruahman thar an pawm. March 1, 2021-ah college leh a chung lam zirna-inte hawn a ni ang.
Ṭhutkhawmah hian, Mizoram puma college leh zirna-in sang - University, NIT, College of Veterinary Sciences leh a dangte chu March 1, 2021 (Thawhṭanni) aṭangin hawn ni se a ti. Zirna-in sanga canteen leh hmun danga punkhawmna ang chite chu uluk leh fimkhur taka en zui turin zirna-in thuneitute an chah nghal.
Zirna-inahte hian uluk takin college thuneitute'n thermal screening an kalpui a ṭul dawn a, ruahmana kimchang zawk chu Health department-te nen inberáwnin siam a ni ang.
Ṭhutkhawmah Health & Family Welfare Board vice chairman Dr ZR Thiamsanga, MLA te, Higher & Technical Education Board vice chairman Dr Vanlalṭanpuia, MLA-te leh, HFW, HTE leh DMR department hotute an tel a ni.