Khawzawlah e-District kalpui dan sawiho

Khawzawl additional DC Lalrohlua hoin nimin khan Khawzawl district-a common service centre (CSC) neitute leh DC pisaa e-District khawihtute chu DC conference hall-ah an ṭhukhawm a, zau zawk leh ṭangkai zawka e-District kalpui dan tur an sawiho.

Khawzawl district-ah hian October 16, 2020 aṭangin e-District kalpui a ni a, Khawzawl, Khawhai, Chhawrtui, Kawlkulh leh Sialhawkahte CSC pakhat ṭheuh awm mekin, certificate hrang hrang 1,060 an pe chhuak tawh a ni.