Science Exibition cum Book Fair

Samagra Shiksha hnuaiah nimin khan Mamit BRC Hall-ah Science Exibition Cum Book Fair for Elementary Schools buatsaih a ni a, district bawrhsap Dr Lalrozama'n a hawng.

Dr Lalrozama chuan, nau­pangte chu science lama hmasawn tum zel tura fuihin, "Kan ramah hian science hmang­in hmasawnna tluantling sustainable development neih tum a ni," a ti a; naupangte project siamte chu ropui a tih thu a sawi.

Exhibition-ah hian Mamit district-a middle school paruka zirlaite'n an project-te an pho chhuak a, Synod Bookroom-in book stall siamin, lehkhabu chi hrang hrang lei theihin an pho chhuak bawk.